Renteboek de Goux , beschrijving van Pollare
Pollare
Item a cest village sont appartenans 5 hameaulx et appendices dont les nomes cy apres sensuivent equelz lon treuve
57 feux et mesnages tous resortissans a leglise paroichelle et
la vierscare dicellui village .
Est asscavoir entour latre de leglise et la plache dudit village y compris le lieu de Overstrate qui est ung lieu franc comenchant au long depuis la fontaine appelle Vernanenborre
et soy estendant jusques a lammeyde et du lez commenchant depuis ledit lieu de lameyde et soy estendant au long des vielz fossez jusques au rieu de Rit et dillec alant a mont a la
ronde de lostel de Aa et de la aux bois de Pollaer et descendant et retournant a ladite fontaine de Vernanenborre la lon treuve feus et mesnages
: 24
a Lameude feux : 11
a Rode feux : 13
au lieu de Bois : 6
a Steenberghe pour une partie si avant quelle est de ladite seignourie de
Pollaer feux : 3
Duquel nombre de 57 feux et mesnages
lon treuve 23 feux et mesnages gens povres prenans les aulmosnes et
distributions de la table du Sainct Esperit etc.
( Folio 147 )